Son as 12 e comeza
a chegar a afección ao pavillón de Calabagueiros. Os equipos están no vestuario
preparándose para o encontro e a afección comeza a animar.
As 12.30 da comezo
o partido. Morea xoga en equipo, pasa o balón e tras unha parede entre Pablo e
Jesús, chega o golazo deste que pon o marcador ao noso favor.
A afección
continúa animando ao Morea, hai bo ambiente na bancada. Morea domina o partido,
move o balón e fai gozar a afección co seu xogo. Rouba Cambre o balón, tira a
porta e gol. Empata Cambre pero Morea non se ven abaixo e pelexa ata conseguir
o segundo gol do equipo valdeorrés, chicharrazo de Pablo.
Domina o encontro
o Morea, agás que Cambre loita polo balón e consegue pór nervioso ao Morea.
Arrebátalle a
pelota Cambre a Morea, e no contragolpe chega o segundo gol do equipo coruñés
que deixa o encontro empatado a 2 chegando así ao descanso.
O adestrador do
Morea, Durán, mantén a mesma estratexia de 3-1 para ataque e defensa na segunda
parte. Morea, aínda controlando ao equipo contrario e posuíndo o balón a maior
parte do partido, non tivo sorte. Cinco postes, dous foras a portería valeira e
cinco paradas do gardarredes coruñés.
Un encontro cheo
de oportunidades para o equipo local, e moi ben defendido polo equipo visitante
que rematou cun empate que deixa a clasificación moi rifada.